თბილისი, 22 მარტი - Sputnik. საქართველო, უკვე მეჩვიდმეტედ, აქციას "დედამიწის საათი" შეუერთდება.
„დედამიწის საათი“ - ყოველწლიური საერთაშორისო ეკოლოგიური აქციაა, რომელიც ველური ბუნების მსოფლიო ფონდის (WWF) ინიციატივით მარტის ბოლო ან ბოლოსწინა შაბათს იმართება. ეს აქცია შეახსენებს ყველას ბუნების დაცვის მნიშვნელობის შესახებ.
„დედამიწის საათი“. ეიფელის კოშკი
© AFP 2024 / LUDOVIC MARIN
საქართველო დანარჩენ მსოფლიოსთან ერთად შეუერთდება ღონისძიებას და 20:30 საათიდან 21:30 საათამდე შუქი ჩაქრება ადმინისტრაციულ შენობებში, რიყის პარკის ტერიტორიაზე, მშვიდობის ხიდზე, ნარიყალას ციხე-სიმაგრეზე, თბილისის სატელევიზიო ანძაზე.
ორგანიზატორები მთელი მსოფლიოს მოსახლეობას მოუწოდებენ, აქციის მსვლელობისას ერთი საათით გამორთონ დენი და საყოფაცხოვრებო ელექტრომოწყობილობები და ამით გააღვივონ ინტერესი კლიმატური ცვლილებების, ბუნების დაბინძურების და სხვა ეკოლოგიური თემების მიმართ.