თბილისი, 1 თებერვალი — Sputnik. საქართველოს 2024 წელს 7,4 მილიონი ვიზიტორი ეწვია, რაც 2023 წელთან შედარებით 4,2%-ით მეტია, ნათქვამია სტატისტიკის ეროვნული სამსახურის „საქსტატის" განცხადებაში.
15 წელს ზემოთ პირთა ვიზიტების რიცხვმა 6,5 მლნ შეადგინა, რაც 2023 წლის მონაცემზე 4,6%-ით მეტია. ტურისტული ვიზიტების რიცხვმა 5,1 მილიონი შეადგინა, რაც გასული წლის მონაცემებზე 9%-ით მეტია.
საქართველოში ვიზიტების ძირითადი მიზნები იყო დასვენება და გართობა.
უცხოელების საქართველოში ჩამოსვლის მიზანი 2024 წელს
ჩამოსვლის მიზანი | ვიზიტების რიცხვი, ათასი | საერთო9 რაოდენობის წილი,% |
დასვენება და გართობა | 3 351,7 | 51,9 |
ნათესავების მონახულება | 1 470,0 | 22,8 |
ტრანზიტი სხვა ქვეყნებში | 831,5 | 12,9 |
სამუშაო | 368,9 | 5,7 |
შოპინგი | 307,6 | 4,8 |
სხვა | 101,9 | 1,6 |
გასულ წელს ყველაზე მეტი ტურისტი ეწვია თბილისსა და აჭარას. უცხოელები საქართველოში საშუალოდ 5,5 ღამეს ატარებდნენ.
ყველაზე მეტი ვიზიტორი იყო რუსეთიდან – 1,2 მილიონი, რაც ვიზიტორების საერთო რაოდენობის 22,4%-ს შეადგენს. შემდეგ მოდის თურქეთი (წილი 19%) და სომხეთი (12,7%). უცხოელებმა რუსეთიდან 1,4 მლნ ვიზიტი განახორციელეს, თურქეთიდან – 1,3 მლნ, სომხეთიდან – 900 ათასი ვიზიტი.
„საქსტატის“ მონაცემებით, უცხოელებმა საქართველოში დაახლოებით 14,3 მილიარდი ლარი დახარჯეს, რაც 10,3%–ით მეტია, ვიდრე 2023 წელს. ხარჯები ერთ ვიზიტზე 5,4%–ით შემცირდა და 2.211,2 ლარი შეადგინა.