დემნა გვასალიას საფრანგეთში ხელოვნების რაინდის წოდება მიანიჭეს

თბილისი, 28 იანვარი — Sputnik. საყოველთაოდ ცნობილმა მოდის დიზაინერმა, ფრანგული მოდის სახლ Balenciaga-ს კრეატიულმა დირექტორმა დემ­ნა გვა­სა­ლი­ამ საფ­რან­გეთ­ში ხე­ლოვ­ნე­ბის რა­ინ­დის წო­დე­ბა მი­ი­ღო.

ჯილდო, რომელიც კულტურის სფეროში ერთ-ერთი ყველაზე პრესტიჟულია, დიზაინერს საფრანგეთის კულტურის მინისტრმა რაშიდა დატიმ გადასცა.

დი­ზა­ი­ნერს ეს ჯილ­დო მო­დი­სა და კულ­ტუ­რის გან­ვი­თა­რე­ბა­ში შე­ტა­ნი­ლი მნიშ­ვნე­ლო­ვა­ნი წვლი­ლის­თვის გა­დაეცა.

თუმცა, მან შეავსო სხვა გამოჩენილი ქართველების რიგები, რომლებიც სხვადასხვა წლებში აღნიშნული ორდენით დაჯილდოვდნენ. ესენია რეზო გაბრიაძე, ლანა ღოღობერიძე, ნიკოლოზ ცისკარიძე და სხვები.

დემნა გვასალიამ სახელი მოდის სამყაროში მისი „მოდური გადატრიალების“ წყალობით გაითქვა. გვასალიას თითოეული კოლექცია თვალის დახამხამებაში იყიდება, რადგან დემნას სამოსი – აბსოლუტური თავისუფლების სიმბოლოა. დემნას მიერ შექმნილ ტანსაცმელს ირჩევენ ჰოლივუდის ვარსკვლავები, მათ შორის რიანა, სელინ დიონი, კანიე ვესტი, კიმ კარდაშიანი, შაია ლაბაფი და უამრავი სხვა.

მოდის სახლი Balenciaga 1919 წელს ესპანელმა დიზაინერმა კრისტობალ ბალენსიაგამ დააფუძნა. 1937 წელს ესპანეთის სამოქალაქო ომის დროს ატელიე პარიზში გადავიდა. დღეს ბრენდი ეკუთვნის ფრანგულ კომპანია Kering-ს. 2015 წლიდან მოდის სახლს დემნა გვასალია უძღვება.