თბილისი, 27 იანვარი — Sputnik. რუსეთის პრეზიდენტმა ვლადიმირ პუტინმა ალექსანდრ ლუკაშენკოს პრეზიდენტად არჩევა მიულოცა და წარმატება უსურვა, იტყობინება კრემლის პრესსამსახური.
„სატელეფონო საუბრისას რუსეთის პრეზიდენტმა ვლადიმირ პუტინმა თბილად მიულოცა ბელორუსის პრეზიდენტ ალექსანდრ ლუკაშენკოს საპრეზიდენტო არჩევნებში დამაჯერებელი გამარჯვება და უსურვა წარმატება უმაღლეს სამთავრობო თანამდებობაზე“, - ნათქვამია განცხადებაში.
ბელორუსიაში საპრეზიდენტო არჩევნების კენჭისყრა 21 იანვრიდან მიმდინარეობდა, ძირითადი დღე კი 26 იანვარი იყო. ბელარუსის ცესკო-ს ცნობით, ლუკაშენკოს 5,13 მილიონზე მეტმა ამომრჩეველმა მისცა ხმა, რაც 86,82%-ს შეადგენს.
გარდა რუსეთის პრეზიდენტისა, ალექსანდრ ლუკაშენკოს მეშვიდედ გაპრეზიდენტება მიულოცეს ჩინეთის ლიდერმა სი ძინპინმა, არაბთა გაერთიანებული საამიროების პრეზიდენტმა მოჰამედ ბინ ზაიიდ ალ ნაჰაიანმა, სერბეთის პრეზიდენტმა ალექსანდრ ვუჩიჩმა და ჩეჩნეთის ლიდერმა რამზან კადიროვმა.