თბილისი, 12 დეკემბერი – Sputnik. საქართველოს საჯარო სკოლებში ზამთრის არდადეგები 2024-2025 სასწავლო გეგმის მიხედვით 30 დეკემბერს დაიწყება და 14 იანვრამდე გასტანს.
სასწავლო გეგმის მიხედვით, საქართველოში სკოლის მოსწავლეებს არ აქვთ შემოდგომის არდადეგები, მაგრამ არის ზამთრის, გაზაფხულის და სააღდგომო არდადეგები.
საგაზაფხულო არდადეგები მიმდინარე სასწავლო წელს 8-დან 14 მარტამდე იქნება, ხოლო სააღდგომო არდადეგები - 18 აპრილიდან 21 აპრილის ჩათვლით.
სასწავლო წელი 15 ივნისს დასრულდება. პირველი კლასი სწავლას 27 მაისს დაასრულებს, მეთორმეტე კი - 20 მაისს.