პუტინი: ბაიდენთან კარგი ურთიერთობა მაქვს

თბილისი, 8 ნოემბერი — Sputnik. მე ნორმალური ურთიერთობა მაქვს აშშ-ის ამჟამინდელ ლიდერ ჯო ბაიდენთან და ასევე დონალდ ტრამპთანაც, რომელმაც აშშ-ის საპრეზიდენტო არჩევნებში გაიმარჯვა, განაცხადა რუსეთის პრეზიდენტმა ვლადიმირ პუტინმა საერთაშორისო სადისკუსიო კლუბ „ვალდაის“ სხდომაზე.

პუტინმა ისიც გაიხსენა, რომ ბაიდენს შვეიცარიაში შეხვდა და ესაუბრა, ტელეფონზეც ურეკავდა, ხუმრობდნენ და იცინოდნენ კიდეც.

საერთაშორისო სადისკუსიო კლუბი „ვალდაი“ არის წამყვანი უცხოელი და რუსი ექსპერტების გაერთიანება პოლიტოლოგიის, ეკონომიკის, ისტორიისა და საერთაშორისო ურთიერთობების სფეროებში.

კლუბი შეიქმნა 2004 წლის სექტემბერში სააგენტო „რია ნოვოსტის“, საგარეო და თავდაცვის პოლიტიკის საბჭოსა და ჟურნალების — „რუსეთი გლობალურ საკითხებში“ და Russia Profile-ს ინიციატივით. კლუბს სახელი პირველი კონფერენციის ადგილმდებარეობის მიხედვით ეწოდა, რომელიც ველიკი ნოვგოროდში გაიმართა ვალდაის ტბის მახლობლად.