თბილისი, 24 ოქტომბერი – Sputnik. საქართველოს პრემიერ-მინისტრმა ირაკლი კობახიძემ თურქეთის პრეზიდენტ რეჯეფ თაიიფ ერდოღანსა და თურქ ხალხს სამძიმარი გამოუცხადა ტერაქტთან დაკავშირებით, რომელსაც ხუთი ადამიანის სიცოცხლე შეეწირა.
ხუთი ადამიანი დაიღუპა და 14 დაშავდა ანკარაში თურქეთის აეროკოსმოსურ კომპანია Turkish Aerospace Industries-ზე თავდასხმის შედეგად. თურქეთის შინაგან საქმეთა სამინისტროს ინფორმაციით, ორი თავდამსხმელი ლიკვიდირებულია. თურქეთმა მომხდარი ტერაქტად შეაფასა.
„ღრმად დამწუხრებული ვარ თურქეთში ტრაგიკული ტერორისტული თავდასხმის გამო. ჩემი გულწრფელი თანაგრძნობა დაღუპულთა ოჯახებს და სრული მხარდაჭერა რეჯეფ თაიფ ერდოღანს და უდრეკ თურქ ხალხს ამ დაუჯერებლად რთულ დროს“, - წერს კობახიძე სოციალურ ქსელ X-ში.
საქართველოს პრემიერმა თურქ ხალხს უსურვა საკუთარ თავში მოძებნოს ძალა, იყოს ერთიანი და მშვიდობით გაუმკლავდეს ტრაგედიას.
„ჩემი ფირები თქვენთან ყველასთან არის“, - დასძინა პრემიერმა.
ორივე ლიკვიდირებული ტერორისტი „ქურთისტანის მუშათა პარტიის„ (თურქეთში აკრძალული ტერორისტული ორგანიზაცია) წევრი აღმოჩნდა.
სახელმწიფო კომპანია Turkish Aerospace Industries აწარმოებს სამხედრო და სამოქალაქო თვითმფრინავებს, ვერტმფრენებს და დრონებს.