თბილისი, 16 ოქტომბერი — Sputnik. აღმოსავლეთ თურქეთში 5,9 მაგნიტუდის სიმძლავრის მიწისძვრა მოხდა, იუწყება სააგენტო Reuters-ი თურქეთის საგანგებო სიტუაციების მართვის სამსახურზე დაყრდნობით.
თურქეთის საგანგებო სიტუაციების მართვის სამსახურის ცნობით, მიწისძვრა 16 ოქტომბერს, 10:46 საათზე მოხდა და მისი ეპიცენტრი ქალაქ მალათიიდან 40 კილომეტრში მდებარე კალეს რაიონი იყო.
ამასთან, სირიის სახელმწიფო მედიის ცნობით, მიწისძვრის ბიძგები ჰასაქის, დეირ-ელ-ზორისა და ალეპოს პროვინციებშიც იგრძნობოდა.
ნგრევისა და დაშავებულების შესახებ ინფორმაცია ჯერჯერობით არ ვრცელდება.