თბილისი, 29 ივლისი — Sputnik. პარიზის 2024 წლის ოლიმპიური თამაშების ძიუდოს ტურნირის მესამე საშეჯიბრო დღეს 57 კგ-მდე წონით კატეგორიაში მოასპარეზე ეთერ ლიპარტელიანი ბრინჯაოს მედლისთვის ბრძოლაში დამარცხდა.
ქართველი სპორტსმენი ფრანგ სარა ლეონ სისიკესთან იპონით დამარცხდა და შეჯიბრი უმედლოდ დაასრულა.
ტურნირის მიმდინარეობისას ქართველმა ძიუდოისტმა ბრიტანელი ლელ ნაირნი და უზბეკი შუკურჟონ ამინოვა დაამარცხა, თუმცა მეოთხედფინალში ბრაზილიელ რაფაელა სილვასთან დამარცხდა. რეპეშაჟში ლიპარტელიანმა მონღოლი ენხრილენ ლხაგვატოგო დაამარცხა, შემდეგ კი ოლიმპიური ბრინჯაოს მედლისთვის ბრძოლაში დამარცხდა.
დღეს ასევე ტატამზე გავიდა ქართველი ძიუდოისტი ლაშა შავდათუაშვილი (-77 კგ), რომელიც პირველივე ორთაბრძოლაში დამარცხდა და ტურნირს გამოეთიშა. მისი მეტოქე ფრანგი ჟოან ბენჟამინ გაბა გახლდათ.
ძიუდოს ტურნირი 2 აგვისტოს დასრულდება, 3 აგვისტოს კი ოლიმპიურ თამაშებზე შერეული გუნდური შეჯიბრებები დაიწყება, რომელშიც საქართველოს ნაკრები ისტორიაში პირველად მიიღებს მონაწილეობას.