თბილისი, 5 ივლისი — Sputnik. 2024 წლის 27 ივნისის მდგომარეობით საქართველოდან, გასული წლის ანალოგიურ პერიოდთან შედარებით, 9%-ით მეტი მოცვის ექსპორტი განხორციელდა. ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.
ქართული ლურჯი მოცვის ექსპორტი 2019 წელს დაიწყო და ყოველ წელს ორმაგდება როგორც რაოდენობის, ისე თანხის მხრივ.
2024 წლის 1-ელი მაისიდან 27 ივნისის ჩათვლით პერიოდში საქართველოდან 3,7 ათასი ტონა მოცვის ექსპორტი განხორციელდა, 2,9-ჯერ მეტი 2023 წლის ანალოგიურ პერიოდთან შედარებით.
საანგარიშო პერიოდში საქართველოდან გაიტანეს 22 მლნ დოლარის ღირებულების მოცვი - 2,7-ჯერ მეტი გასული წლის ანალოგიურ პერიოდთან შედარებით.
ბოლო წლებში მთავრობა დიდ ყურადღებას უთმობს ქვეყნის სხვადასხვა რეგიონში მაღალშემოსავლიანი კულტურების მოყვანას. სახელმწიფო პროგრამის ფარგლებში ხელისუფლება აქტიურად უწყობს ხელს ფერმერებს, რომლებსაც მაღალი ხარისხის მოცვი მოჰყავთ. ამ კულტურის პლანტაციები რამდენიმე ასეულ ჰექტარზე გაშენდა იმერეთში, სამეგრელოში, აჭარასა და გურიაში.
მოცვის ყველაზე დიდი მწარმოებელი და მომხმარებელი არიან აშშ და ჩინეთი, ხოლო უმსხვილესი ექსპორტიორები - პერუ, ჩილე, ესპანეთი, კანადა და ნიდერლანდები. სწორედ ეს ხუთი ქვეყანა განსაზღვრავს საექსპორტო ფასს მთელ მსოფლიოში.