თბილისი, 13 ივნისი — Sputnik. ოპოზიციური პარტია „ერთიანი ნაციონალური მოძრაობა“ ხელისუფლებაში დაბრუნების შემთხვევაში მთელ საქართველოს ეგზეკუციას მოუწობს, როგორც ამას წარსულში აკეთებდა, განაცხადა საქართველოს პარლამენტის თავმჯდომარე შალვა პაპუაშვილმა.
საპარლამენტო ფრაქცია „ერთიანი ნაციონალური მოძრაობა“ - გაერთიანებული ოპოზიცია „ძალა ერთობაშიას“ წევრმა გუბაზ სანიკიძემ არჩევნების წინ „დიდი რეფორმა“ და ოფიცერთა კორპუსის უმაღლესი და საშუალო ფენის დათხოვნა დააანონსა დაადანაშაულა რა ისინი პოლიტიკურ მიკერძოებაში. „სახელმწიფოს აქვს ორი ფუნქცია: მეურვეობა და სასჯელი. თქვენ უარი თქვით მეურვეობაზე, ამიტომ შემდეგი ხელისუფლება დაგსჯით თქვენ“, - განაცხადა მან.
„თუ ეს ადამიანები მოვლენ ხელისუფლებაში, არამარტო პოლიციას, არამედ მთელ საქართველოს მოუწყობენ ეგზეკუციას, როგორც ეს იყო 2003 წელს მათი ხელისუფლებაში მოსვლისას. ჩვენ საქმე გვაქვს ძალასთან, „ნაცმოძრაობის" ფილოსოფიის მატარებელ ადამიანებთან, რომელთათვისაც ადამიანური ღირსება, სახელმწიფო ინსტიტუტები და ქართველი ხალხი არაფერს ნიშნავს“, - განაცხადა პაპუაშვილმა.
ამ პოლიტიკური ძალის ერთ-ერთი მთავარი ფუნქცია, რომელიც, პაპუაშვილის თქმით, გარე ძალების მარიონეტია, იყო სახელმწიფო და საზოგადოებრივი „ქსოვილის" რღვევა. ხელისუფლებაში ყოფნისას მათ სხვადასხვა საზოგადოებრივი ჯგუფის ჩარეცხა, გარიყვა დაიწყეს, ახლა კი ამას უკვე ოპოზიციაში აკეთებენ.
„ზუსტად ამას აკეთებენ დღესაც, ოღონდ ისე, რომ არ აქვთ ძალაუფლება და სწორად ამისთვის სჭირდებათ ძალაუფლება“, - განაცხადა პაპუაშვილმა.
საპარლამენტო არჩევნები საქართველოში 26 ოქტომბერს გაიმართება. ეს იქნება პირველი არჩევნები, რომელიც ჩატარდება სრულად პროპორციული სისტემით. უბნების 90%-ზე ელექტრონული ტექნოლოგიით ჩატარდება. 2024 წლის არჩევნებში გამარჯვებული პარტია არა მხოლოდ მთავრობის ფორმირებას შეძლებს, არამედ გავლენას მოახდენს საქართველოს პრეზიდენტის არჩევნებზე, რადგან 2024 წლიდან პრეზიდენტს საარჩევნო კოლეგია აირჩევს, რომელშიც დეპუტატები და ადგილობრივი ხელისუფლების წარმომადგენლები შევლენ.