თბილისი, 28 მაისი — Sputnik. საქართველოს კომერციულ ბანკებში ელექტრონული სისტემებით განხორციელებული ფულადი გზავნილების მოცულობა 2024 წლის იანვარ-აპრილში, წინა წლის ანალოგიური პერიოდის მაჩვენებელთან შედარებით, 33,3%-ით შემცირდა და 1.084 მლნ აშშ დოლარი შეადგინა, იუწყება საქართველოს ეროვნული ბანკი.
ფულადი გზავნილების მოცულობით აღნიშნულ პერიოდში რუსეთი ლიდერობს.
ფულადი გადმორიცხვების სტატისტიკა საქართველოში - 2024 წლის იანვარი-აპრილი
ქვეყანა | მოცულობა, მლნ დოლარი | ზრდა, % |
რუსეთი | 231,9 | -72,3 |
იტალია | 180,7 | 11,0 |
აშშ | 170,3 | 31,8 |
საბერძნეთი | 80,4 | 6,6 |
ისრაელი | 79,3 | 14,6 |
ეროვნული ბანკის მონაცემებით, საანგარიშო პერიოდში რუსეთიდან საქართველოში გადმოირიცხა 231,9 მილიონი დოლარი - ეს ქართულ კომერციულ ბანკებში ელექტრონული სისტემებით ფულადი გადარიცხვების 21,4%-ია.
აპრილში რუსეთიდან გადმორიცხვები შემცირდა
ქართულ კომერციულ ბანკებში ელექტრონული სისტემებით ფულადი გადმორიცხვები 2024 წლის აპრილში 24,8%-ით შემცირდა გასული წლის ანალოგიურ პერიოდთან შედარებით და 278,5 მლნ დოლარი შეადგინა.
ფულადი გადმორიცხვების სტატისტიკა - 2024 წლის აპრილი
ქვეყანა | მოცულობა, მლნ დოლარი | ზრდა, % |
რუსეთი | 49,1 | -69,3 |
აშშ | 46,3 | 35,4 |
იტალია | 45,8 | 12,1 |
საბერძნეთი | 21,9 | 7,4 |
გერმანიაი | 20,7 | 15,0 |
აპრილში რუსეთიდან საქართველოში გადმორიცხული თანხის მოცულობამ 49,1 მილიონი დოლარი შეადგინა. ეს ქართულ კომერციულ ბანკებში ელექტრონული სისტემებით ფულადი გადარიცხვების 17,6%-ია.მიმდინარე წლის აპრილში რუსეთიდან 69,3%-ით ნაკლები ფული გადმოირიცხა, ვიდრე გასული წლის ანალოგიურ პერიოდში.
რამდენი ფული გაიგზავნა საქართველოდან უცხოეთში
აპრილში საქართველოდან საზღვარგარეთ 30,4 მლნ დოლარი გადაიგზავნა, რაც 2023 წლის აპრილთან შედარებით 6,9%-ით მეტია.
2024 წლის პირვე ოთხ თვეში საქართველოდან უცხოეთში 114,5 მლნ დოლარი გადაიგზავნა, რაც 2023 წლის ანალოგიურ პერიოდთან შედარებით 1,6%-ით მეტიაია.