ახალი ბინების ფასები თბილისში იზრდება - ახალი სტატისტიკა

თბილისი, 24აპრილი — Sputnik. თბილისში ახალ საცხოვრებელ ბინებზე ფასების წლიური ინდექსი 2024 წლის პირველ კვარტალში 13%-ით გაიზარდა, ხოლო 2023 წლის მეოთხე კვარტალთან შედარებით ფასები 1,1%-ით გაიზარდა, იუწყება სტატისტიკის ეროვნული სამსახური „საქსტატი".

2020 წლის საშუალო წლიურ მაჩვენებელთან შედარებით, თბილისში ახალ საცხოვრებელ ბინებზე ფასების წლიური ინდექსი პირველ კვარტალში 41,3%-ით გაიზარდა.

„საქსტატის" მონაცემებით, ახალაშენებული ბინების ფასების ზრდამ მიმდინარე წლის პირველ კვარტალში, გასული წლის მეოთხე კვარტალთან შედარებით 1,2% შეადგინა, ხოლო 2023 წლის პირველ კვარტალთან შედარებით - 12,9%.

თბილისში ახალაშენებულ კერძო სახლებზე ფასები 2024 წლის პირველ კვარტალში, 2023 წლის მესოთხე კვარტალთან შედარებით, 0,7%-ით გაიზარდა, ხოლო 2023 წლის პირველ კვარტალთან შედარებით – 13,3%-ით.

„საქსტატის" კვლევის თანახმად, 2024 წლის პირველ კვარტალში ერთი კვადრატული მეტრის საშუალო ფასი ახლად აშენებულ კორპუსებში შეადგენს: ე.წ. შავი კარკასი – 2.849 ლარს, თეთრი კარკასი – 3.289 ლარს, მწვანე კარკასი – 3.738 ლარს. 2023 წლის პირველ კვარტალში ფასები ასეთი იყო: შავი კარკასი – 2.474 ლარი, თეთრი – 2.821, მწვანე – 3.284 ლარი.

ფასების ინდექსი მაკროეკონომიკური და ფინანსური სტაბილურობის მნიშვნელოვანი ინდიკატორია და მას უმეტესად საქართველოს ეროვნული ბანკი და კერძო დეველოპერები იყენებენ.

ის, ერთი მხრივ, ემსახურება უძრავი ქონების განვითარებისა და ბაზრის რისკების შეფასებას, ხოლო მეორე მხრივ – უძრავი ქონების ბაზარსა და ფინანსურ სტაბილურობასთან კავშირების დადგენასა და შეფასებას.