თბილისი, 31 იანვარი − Sputnik. ჩრდილოატლანტიკურ სამხედრო ალიანსს შეერთებული შტატები აკონტროლებს და ის მისთვის კონფრონტაციის ინსტრუმენტია, განაცხადა რუსეთის პრეზიდენტის პრესმდივანმა დმიტრი პესკოვმა.
მისი თქმით, ნატო სწორედ კონფრონტაციის ინსტრუმენტად იყო ჩაფიქრებული, ჩამოყალიბებული და კონფიგურირებული, და შეერთებული შტატებიც მას ზუსტად ასეთ ინსტრუმენტად იყენებს.
„ეს ინსტრუმენტი თავისი როლის შესრულებას განაგრძობს და, რაღა თქმა უნდა, ეს ჩვენთვის საფრთხეა − ასე აღვიქვამთ ამას და მუდმივად ვიღებთ შესაბამისი ზომებს. მით უმეტეს, იმ ფონზე, რომ ალიანსი უკვე რამდენიმე ათწლეულია, რაც თავის სამხედრო ინფრასტრუქტურას ჩვენი საზღვრებისკენ სწევს“, − უპასუხა პესკოვმა ჟურნალისტების შეკითხვას, მიაჩნია თუ არა რუსეთს, რომ ნატოს წვრთნები Steadfast Defender-ს საფრთხეს უქმნის მას.
ნატო-მ ცივი ომის შემდეგ ყველაზე დიდ სამხედრო წვრთნები 22 იანვარს დაიწყო. როგორც მანამდე ალიანსის სამხედრო კომიტეტის ხელმძღვანელმა რობ ბაუერმა განაცხადა, მანევრებზე ნატო აღმოსავლეთ ფლანგზე რუსეთის სავარაუდო შეჭრაზე რეაგირებას დაამუშავებს. Steadfast Defender-ში, რომელიც მაისში დასრულდება, დაახლოებით 90 ათასი სამხედრო მიიღებს მონაწილეობას. გარდა ამისა, სწავლებაში ჩაერთვება 50-ზე მეტი ავიამზიდი და ესკადრონული ნაღმმზიდი, 80 გამანადგურებელი ვერტმფრენი და დრონი, ასევე 1100-მდე ტანკი და ჯავშანმანქანა.
მანამდე ყველაზე მასშტაბური სამხედრო წვრთნები, სახელწოდებით Reforger, რომელშიც 125 000 სამხედრო მონაწილეობდა, ალიანსმა 1988 წელს ჩაატარა. მას შემდეგ ყველაზე მსხვილი იყო 2018 წლის სწავლება Trident Juncture, რომელშიც 50 ათასი სამხედრო იღებდა მონაწილეობას.