თბილისი, 30 იანვარი – Sputnik. საქართველოში რუსეთიდან შემოსული 20.91 ტონა კარტოფილი საბაჟო-გამშვები პუნქტი „ყაზბეგიდან“ ექსპორტიორ ქვეყანაში დააბრუნეს, ნათქვამია შემოსავლების სამსახურის მიერ გავრცელებულ ინფორმაციაში.
უწყების ცნობით, სასაზღვრო-საკარანტინო კონტროლის პროცედურების განხორციელებისას, ნიმუშების ლაბორატორიული ანალიზით, კარტოფილში საკარანტინო მავნე ორგანიზმების არსებობა დადასტურდა.
საქართველოს მთავრობის N463 დადგენილების შესაბამისად, პროდუქტი ექსპორტიორ ქვეყანაში მიაბრუნეს.