თბილისი, 22 იანვარი - Sputnik. ოზურგეთში ავტოსაგზაო შემთხვევას 67 წლის პედაგოგის სიცოცხლე ემსხვერპლა, იუწყება ტელეკომპანია „რუსთავი2“.
შემთხვევა ოზურგეთში აღმაშენებლის ქუჩაზე შუადღისას მოხდა. გავრცელებული ინფორმაციით, ქალი სკოლიდან სახლში ბრუნდებოდა, რა დროსაც მსუბუქი ავტომობილი დაეჯახა.
სასწრაფო სამედიცინო დახმარების ბრიგადამ დაშავებული ოზურგეთის კლინიკა „მედალფაში" გადაიყვანა, მაგრამ მისი გადარჩენა, თავის ქალის მძიმე ტრავმის გამო, ვერ მოხერხდა.
მომხდარზე გამოძიება საქართველოს სსკ-ის 276-ე მუხლის მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.