თბილისი, 4 იანვარი – Sputnik. საქართველოს ეროვნულმა ბანკმა სისტემურად მნიშვნელოვანი „ლიბერთი ბანკი“ (Liberty Bank) შიდა საბანკო წესების დარღვევისთვის 75 ათასი ლარით დააჯარიმა, ნათქვამია რეგულატორის განცხადებაში.
„ლიბერთი ბანკი“ ერთ–ერთი უმსხვილესი ბანკია საქართველოში, რომელსაც ფილიალების ფართო ქსელი აქვს.
საუბარია „ფულის გათეთრებისა და ტერორიზმის დაფინანსების აღკვეთის ხელშეწყობის შესახებ“ კანონის დარღვევაზე, რომლის თანახმად ბანკი ვალდებულია მოახდინოს ოპერაციების კლასიფიკაცია, განახორციელოს მათი მონიტორინგი და შეატყობინოს ეროვნულ ბანკს საეჭვო გარიგებების შესახებ.
ეროვნული ბანკი ასეთ შემოწმებებს მუდმივად ატარებს. 2023 წელს საბანკო სხვადასხვა წესის დარღვევის გამო დაჯარიმდა ოთხი ბანკი, ხოლო 2022 წელს – შვიდი.