როგორ გამოიყურება საახალწლო ნაძვისხეები საქართველოს სხვადასხვა ქალაქში

Sputnik–საქართველო, ტრადიციულად, წარმოგიდგენთ საქართველოს სხვადასხვა ქალაქის მთავარ სილამაზეს ახალი წლის დღეებში. სასიამოვნოა ის ფაქტი, რომ, გასული წლისგან განსხვავებით, წელს უარყოფითი ემოციები საზოგადოებაში არცერთი ქალაქის არცერთ ნაძვისხეს არ გამოუწვევია.

ქვეყნის მთავარი ნაძვისხე დედაქალაქში ახალია, რომელიც 700 ათას ლარზე მეტი დაჯდა. ის მაღალია და უხვად არის მორთული სათამაშოებით, განათებულია ოქროსფერი სანათებით. წინა წლებში თბილისის ნაძვისხე მუდამ კამათს იწვევდა საზოგადოებაში. წელს, როგორც ჩანს, ყველა კმაყოფილი დარჩა.

გასულ წელს ბათუმის ნაძვისხემ, რბილად რომ ვთქვათ, არაერთმნიშვნელოვანი ემოციები გამოიწვია. მას თევზის ჩონჩხსაც კი ადარებდნენ. მაგრამ წელს ქალაქის მერია „გამოპსწორდა“, ნაძვი მრავალი კაშკაშა სათამაშოთი და გირლანდით მორთო. შედეგას – მოსახლეობა კმაყოფილია საკმაოდ ლამაზი ნაძვისხით.

ქუთაისის ნაძვისხე ყოველთვის განსაკუთრებულია – ჯადოსნური და ზღაპრული. მაღალი, ლამაზი, არა სხვადასხვა სახის, არამედ კარგად შერჩეული სათამაშოებითა და გირლანდებით მორთული.

ზუგდიდში შედარებით მოკრძალებული ნაძვისხე დადგეს. ის მორთულია ოქროსფერი ვარსკვლავებით, გირლანდებით, რომელიც ნაძვისხეს წრიულად ერტყმის. მოკრძალება და ლაკონურობა მას მხოლოდ ხიბლს სძენს.

ლანჩხუთის ნაძვისხე განსაკუთრებით ბავშვებს მოეწონათ. ის მორთულია სასაცილო პატარა სახლებით, რომელთა ფანჯრებშიც სინათლე ანთია. ასეთმა „ცეცხლოვანმა“ მორთულობამ ნაძვისხეს ზღაპრული იერი მიანიჭა.

რუსთავის მთავარ მოედანს მაღალი და მბრწყინავი ნაძვი ამშვენებს, რომელიც მორთულია მრავალი მოციმციმე სხვადასხვა ზომის ვარსკვლავით.

ოზურგეთში არაფერი შეუცვლიათ. როგორც გასულ წელს, ახლაც ნაძვისხე მორთულია გირლანდებით, დიდი ოქროსფერი სათამაშოებით და ვარსკვლავებით. ნებისმიერ შემთხვევაში ორგანულია და ლამაზი.

თელავში ნაძვისხის მორთვას შემოქმედებითად და რეგიონის ტრადიციების გათვალისწინებით მიუდგნენ – ნაძვი სხვადასხვა დიამეტრის ბურთებით შექმნილი ყურძნის მტევნებით მორთეს.

ყაზბეგის ნაძვისხე თოვლითაა დაფარული, რომლის ქვეშაც სათამაშოები იმალება. მაგრამ ამით მას ხიბლი არ მოკლებია – პირიქით, თოვლი მას ნამდვილი ზამთრის საახალწლო ჯადოსნურ ელფერს სძენს.

ისტორიულ დედაქალაქს მინიატურული ნაძვისხე ამშვენებს. მის თავზე დიდი ვარსკვლავია დაკიდებული, რომელიც ყურადღებას იპყრობს. ნაძვის დანარჩენი ნაწილი უფრო ლაკონურად არის მორთული – გირლადებითა და ვარსკვლავებით.