თბილისი, 29 დეკემბერი – Sputnik. საქართველოს ტურიზმის ეროვნულმა ადმინისტრრაციამ 2023 წელს 350 ათასზე მეტ უცხოელ ჟურნალისტს, ბლოგერსა და ტუროპერატორს უმასპინძლა, ნათქვამია უწყების პრეს–სამსახურის განცხადებაში.
სტატიები, ბლოგი–სიუჟეტები, ვიდეორგოლები საქართველოს ტურისტული პოტენციალის შესახებ მოამზადეს ისეთმა ცნობილმა გამოცემებმა, როგორიც არიან The Guardian, Forbes, The Financial Times, Elle, The Times, Marie-Claire, National Geographic, Saveur, Vogue, The Sunday Times, The Huffington Post, Sueddeutsche Zeitung და სხვ.
საქართველოზე მომზადებული მასალების გაცნობა მთელ მსოფლიოში მილიონობით მკითხველმა და მაყურებელმა შეძლო.
მიმდინარე წელს, ტურიზმის ეროვნული ადმინისტრაციის მეშვეობით, საქართველოში ჩატარდა 67 საინფორმაციო და 13 გაცნობითი ხასიათის ტური.
ქართველი ტუროპერატორები უცხოელ კოლეგებს თანამშრომლობის გაგრძელებისა და ერთობლივი ტურების შექმნის მიზნით შეხვდნენ.