თბილისი, 26 დეკემბერი — Sputnik. საქართველოს მშპ-ის რეალურმა ზრდამ 2023 წლის მესამე კვარტალში, წინასწარი მონაცემებით, 2022 წლის ივლის-სექტემბერთან შედარებით 5,7% შეადგინა, ნათქვამია საქართველოს სტატისტიკის ეროვნული სამსახურის „საქსტატი“ მასალებში.
მანამდე გავრცელებული ინფორმაციით, მეორე კვარტალში ეკონომიკის ზრდის მაჩვენებლის წინასწარი მონაცემი ასევე 5,4% იყო.
დაზუსტებული მონაცემებით, მიმდინარე ფასებში 2023 წლის მესამე კვარტალში მშპ-ის მოცულობამ 21,2 მლრდ დოლარი შეადგინა. აღნიშნულ პერიოდში დეფლატორმა 2,7% შეადგინა. მშპ-მ ერთ სულ მოსახლეზე 5,7 ათასი დოლარი შეადგინა.
ეკონომიკის რომელი სფეროები იზრდება
ყველაზე მეტი ზრდა 2023 წლის ივლის-სექტემბერში აჩვენა შემდეგმა სფეროებმა: ადმინისტრაციული საქმიანობა, პროფესიული საქმიანობა, ასევე ფინანსური და სადაზღვევო საქმიანობა.
ეკონომიკის სფეროების ტოპ-5 2023 წლის მეორე კვარტალში, რომლებსაც ყველაზე მაღალი ზრდა აქვთ
ეკონომიკის სფერო | ზრდა, % |
ადმინისტრაციული საქმიანობა | 17,7 |
პროფესიული საქმიანობა | 17,6 |
ფინანსური და სადაზღვევო საქმიანობა | 13,7 |
განათლება | 13,6 |
სოცუზრუნველყოფა | 13,3 |
ვარდნა დაფიქსირდა უძრავი ქონების ტრანზაქციებსა და ჯანდაცვის სექტორში.
მშპ-ის სტრუქტურაში ყველაზე მაღალი ხვედრითი წილი აქვს შემდეგ სფეროებს: ვაჭრობას, გადამამუშავებელ მრეწველობასა და უძრავ ქონებასთან დაკავშირებულ ოპერაციებს.
ეკონომიკის სფეროების ტოპ-5 მშპ-ის სტრუქტურაში II კვარტალში ყველაზე მაღალი ხვედრითი წილით
სფერო | ხვედრითი წილი მშპ-ში, % |
ვაჭრობა | 15,9 |
უზრავ ქონებასთან დაკავშირებული ოპერაციები | 10,2 |
გადამამუშავებელი მრეწველობა | 9,9 |
სოფლის მეურნეობა | 7,9 |
მშენებლობა | 7,8 |