თბილისი, 12 დეკემბერი — Sputnik. ქართული ავიაკომპანია Georgian Wings 2024 წლის 20 თებერვლიდან დაიწყებს რეგულარულ რეისს თბილისი-კიშინიოვი-თბილისი, ნათქვამია ავიაგადამიზიდის განცხადებაში.
ფრენები კვირაში ორჯერ - სამშაბათობითა და შაბათობით შესრულდება. მგზავრებს მოემსახურება Boeing 737-300148 ადგილზე გათვლილი Boeing 737-300.
Georgian Wings ქართული ავიაკომპანია Geo Sky-ს სამგზავრო მიმართულებაა. მოლდოვის გარდა, 2024 წლიდან ავიაგადამზიდი ფრენებს დაამატებს ირანის, ყაზახეთისა და უზბეკეთის მიმართულებით.
ავიაკომპანია Geosky 2017 წელს დაფუძნდა და წარმატებით საქმიანობს როგორც ადგილობრივ, ისე საერთაშორისო ბაზარზე. ავიაკომპანიის საქმიანობის სფერო სამგზავრო და სატვირთო გადაზიდვებია.
ამჟამად ავიაკომპანია ფრენებს თბილისიდან ბათუმისა და ბაქოს მიმართულებით ასრულებს.