თბილისი, 8 დეკემბერი — Sputnik. შეერთებულმა შტატებმა მიმდინარე წლის ოქტომბერში სამჯერ გაზარდა რუსული ურანის შესყიდვა, რამაც დაახლოებით 43,25 ტონა შეადგინა, იუწყება „რია ნოვოსტი“ ამერიკულ სტატისტიკაზე დაყრდნობით.
სააგენტოს გამოთვლებით, ურანის ასეთი მოცულობები შტატებს 62,8 მილიონი დოლარი დაუჯდა. ეს იყო ყველაზე დიდი ამერიკული შესყიდვა 2023 წლის ივნისის შემდეგ, რითაც რუსეთი შტატებისთვის ამ საწვავის მეორე მთავარი მიმწოდებელი გახდა.
მთლიანობაში შეერთებულმა შტატებმა თითქმის 176 ტონა ურანი შეიძინა 300 მილიონ დოლარად. მთავარი მიმწოდებელი იყო ბრიტანეთი, რომელმაც ოქტომბერში 98,3 ტონა მიჰყიდა შეერთებულ შტატებს 177,4 მილიონ დოლარად.
ამერიკულმა კომპანიებმა შვიდთვიანი პაუზის შემდეგ, ასევე განაახლა ურანის იმპორტი ჩინეთიდან, რომლისგანაც 43,4 მილიონი დოლარის ღირებულების 25,4 ტონა ურანი შეიძინა.
რაც შეეხება კიდევ ერთ მიმწოდებელს, ნიდერლანდებს, მან შვიდჯერ — 8,9 ტონამდე (13,8 მლნ დოლარი) შეუმცირა ურანის მიწოდება აშშ-ს.