თბილისი, 6 დეკემბერი — Sputnik. ქართველი მომღერალი ნინი ბრეგვაძე ამერიკული Voice-ის ნახევარფინალშია, იუწყება ტელეკომპანია „რუსთავი 2".
გავრცელებული ინფორმაციით, პროექტის საუკეთესო ცხრა მონაწილეს შორის, ბრეგვაძე მაყურებელმა ხმის მიცემით აირჩია - ნახევარფინალში მოსახვედრად სულ 12 მონაწილე იბრძოდა.
ქართველმა მომღერალმა ბრიტანული ბენდ The Cure-ის სიმღერა Lovesong შეასრულა და მაყურებლისგან საჭირო რაოდენობის ხმები მიიღო.
„ამერიკული ოცნება რეალურია და მე ამით ვცხოვრობ! დიდი მადლობა მხარდაჭერისთვის. ასევე დიდი მადლობა საუკეთესო მწვრთნელს ნაილ ჰორანს, რადგან მე აქ არ ვიქნებოდი, მას რომ არ სჯეროდეს ჩემი! ისეთი ბედნიერი ვარ, რომ სიტყვებით ვერ აღვწერ! შევხვდებით შემდეგ კვირას“, – დაწერა მომღერალმა სოციალურ ქსელში.
კონკურსის შემდეგ ეტაპზე რვა მონაწილე, მათ შორის ნინი ბრეგვაძე, იგივე ნინი აირისი გადავიდა, ხოლო მეცხრე მონაწილე მაყურებელმა დამატებითი ხმის მიცემით გამოავლინა.
ნახევარფინალური ლაივ-შოუ ორშაბათს, 11 დეკემბერს გაიმართება.
ნინი ბრეგვაძეზე ქართველმა მსმენელმა პირველად მუსიკალურ კონკურსებში მონაწილეობის შემდეგ გაიცნო. ერთ-ერთი პირველი პროექტი, რომელშიც ნინი გამოჩნდა, იყო ქართული „ვოისი“. აღსანიშნავია, რომ ბრეგვაძე ახლა Nini Iris-ის ფსევდონიმით გამოდის.
ნინი უკვე შვიდი წელია ნიუ-იორკში ცხოვრობს და მუშაობს.