თბილისი, 27 ნოემბერი — Sputnik. საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის გუდაური(ფოსტა)–კობის მონაკვეთზე აკრძალულია ყველა სახის ავტოტრანსპორტის მოძრაობა, აღნიშნულია საავტომობილო გზების დეპარტამენტის განცხადებაში.
გარემოს ეროვნული სააგენტოს პროგნოზის შემდეგ, შეზღუდვები ზვავსაშიშროების დიდი რისკის გამო დაწესდა.
გზის დანარჩენ მონაკვეთებზე მოძრაობა თავისუფალია.
კვირას გვიან საღამოს შეზღუდვები სატვირთო ავტომობილების გადაადგილებაზე დაწესდა.