დმანისის ყოფილ მერს ცეცხლი გაუხსნეს

დმანისის ყოფილი მერი მასზე მომხდარ თავდასხმას პოლიტიკურ საქმიანობას უკავშირებს.
Sputnik
თბილისი, 1 ნოემბერი - Sputnik. დმანისის მუნიციპალიტეტის ყოფილ მერს გიორგი ტატუაშვილს ავტომობილით გადაადგილების დროს ცეცხლი გაუხსნეს, იუწყება ტელეკომპანია „რუსთავი2“.
გავრცელებული ინფორმაციით, ტატუაშვილის მანქანის მისამართით, სავარაუდოდ, ხუთჯერ გაისროლეს.
დმანისის ყოფილი მერი ინცინდენტის დროს ავტომობილში მარტო იმყოფებოდა. ამჟამად ადგილზე სამართალდამცველები მუშაობენ, მიმდინარეობს თვითმხილველების გამოკითხვაც. მანქანა ექსპერტიზაზეა გადაყვანილი.
მედიაში გავრცელებული ინფორმაციით, თავდამსხმელები სამართალდამცველების მოთხოვნებს არ დაემორჩილნენ და მიიმალნენ.
გიორგი ტატუაშვილი დმანისის მუნიციპალიტეტის მერად 2017 წლის ადგილობრივი თვითმმართველობის არჩევნების შედეგად აირჩიეს. 2020 წელს ტატუაშვილი პარტია „ქართული ოცნებიდან“ გარიცხეს. გავრცელებული ინფორმაციით, პარტიიდან გარიცხვის მიზეზი ტატუაშვილის მიერკონკურენტი კანდიდატის საარჩევნო კამპანიის მხარდაჭერა“ გახდა.