თბილისი, 30 ოქტომბერი — Sputnik. გორის მუნიციპალიტეტის ერთ-ერთ სკოლაში, სადაც მეხუთეკლასელმა გოგონამ მუქარის წერილი მიიღო, საგამოძიებო მოქმედებები ტარდება, იუწყება ტელეკომპანია „რუსთავი 2“ შინაგან საქმეთა სამინისტროზე დაყრდნობით.
შემთხვევა სოფელ აძვის საჯარო სკოლაში მოხდა.
მასმედიაში გავრცელებული ინფორმაციით, წერილი ათი წლის გოგონას სკოლაში, მერხის ქვეშ დახვდა. ანონიმური წერილის ავტორი არასრულწლოვნისგან ფულის გადახდას ითხოვდა. ტექსტში დასახელებული იყო თანხა, რომელსაც თუ ბავშვი კონკრეტულ ადგილზე არ დატოვებდა, მის დას მოკლავდნენ.
მომხდარ ფაქტზე გამოძიება სსკ-ის 151-ე მუხლით დაიწყო, რაც მუქარას გულისხმობს.