თბილისი, 19 სექტემბერი – Sputnik. საქართველოს კომერციულ ბანკებში ელექტრონული სისტემებით განხორციელებული ფულადი გზავნილების მოცულობა 2023 წლის იანვარი–აგვისტოში, წინა წლის ანალოგიური პერიოდის მაჩვენებელთან შედარებით, 23,4%-ით გაიზარდა და 2.995,1 მლნ აშშ დოლარი შეადგინა, იუწყება საქართველოს ეროვნული ბანკი.
ფულადი გზავნილების მოცულობით 2023 წლის პირველ რვა თვეში რუსეთი ლიდერობს.
ფულადი გადმორიცხვების სტატისტიკა: 2023 წლის იანვარი–აგვისტო
ქვეყანა | მოცულობა, მლნ დოლარი | ზრდა/ვარდნა % |
რუსეთი | 1.256,2 | 13,1 |
იტალია | 340,2 | 21,2 |
აშშ | 277,0 | 34,9 |
საბერძნეთი | 148,3 | 0,7 |
გერმანია | 145,4 | 44,5 |
ეროვნული ბანკის მონაცემებით, საანგარიშო პერიოდში რუსეთიდან საქართველოში გადმორიცხული თანხის მოცულობამ 1.256,2 მილიონი დოლარი შეადგინა. ეს ქართულ კომერციულ ბანკებში ელექტრონული სისტემებით ფულადი გადარიცხვების 41,9%-ია.
აგვისტოში გზავნილების მოცულობით რუსეთი ლიდერობს
ქართულ კომერციულ ბანკებში ელექტრონული სისტემებით ფულადი გადმორიცხვები 2023 წლის აგვისტოში 14,1%-ით შემცირდა გასული წლის ანალოგიურ პერიოდთან შედარებით და 287 მლნ დოლარი შეადგინა.
ფულადი გადმორიცხვების სტატისტიკა საქართველოში – 2023 წლის აგვისტო
ქვეყანა | მოცულობა, მლნ დოლარი | ზრდა/ვარდნა % |
რუსეთი | 60,3 | -45,6 |
იტალია | 45,0 | 23,0 |
აშშ | 40,2 | 37,6 |
გერმანია | 20,4 | 33,5 |
საბერძნეთი | 19,9 | 6,0 |
აგვისტოში რუსეთიდან 60,3 მლნ დოლარი გადმოირიცხა – გზავნილების მთლიანი მოცულობის 21%, რაც გასული წლის ანალოგიურ პერიოდთან შედარებით 45,6%-ით ნაკლებია.
რამდენი გაიგზავნა საქართველოდან უცხოეთში
აგვისტოში საქართველოდან საზღვარგარეთ 29,2 მლნ დოლარი გადაიგზავნა, რაც 2022 წლის აგვისტოსთან შედარებით 1%-ით ნაკლებია.
2023 წლის პირველ რვა თვეში საქართველოდან უცხოეთში 230,2 მლნ დოლარი გადაიგზავნა, რაც 2022 წლის ანალოგიურ პერიოდთან შედარებით 7%-ით მეტია.