თბილისი, 20 აგვისტო – Sputnik. გერმანიამ 2023 წლის პირველ ნახევარში საქართველოში, ჩრდილოეთ მაკედონიაში, ალბანეთში, მოლდოვასა და სერბეთში მიგრანტების ყველაზე დიდი რაოდენობის დეპორტაცია მოახდინა, იუწყება გერმანული მედია.
გერმანიის შინაგან საქმეთა სამინისტროს ცნობით, 2023 წლის პირველ ნახევარში, თავშესაფრის მაძიებელთა დეპორტაციის მაჩვენებელი, რომელთა განაცხადები არ დაკმაყოფილდა, დაახლოებით ერთი მეოთხედით გაიზარდა.
კერძოდ, იანვარ-ივნისში ქვეყნიდან 7681 ადამიანი გააძევეს, რაც 27%-ით მეტია გასული წლის ანალოგიურ მაჩვენებელზე. დეპორტირებულთა შორის 1664 ქალი და 1375 ბავშვია.
კერძოდ, გერმანიიდან გამოაძევეს საქართველოს 705 და ჩრდილოეთ მაკედონიის 665 მოქალაქე.
გერმანიის შინაგან საქმეთა სამინისტროს ცნობით, გაიზარდა იმ მიგრანტების რაოდენობაც, რომლებმაც ნებაყოფლობით დატოვეს ქვეყანა, 4892-მა მიიღო ფედერალური დაფინანსება სამშობლოში დასაბრუნებლად, ხოლო 2309-მ მიიღო სახელმწიფო ან ადგილობრივი დაფინანსება.
გერმანიიდან დეპორტირებულთა რაოდენობის ზრდას წინ უძღოდა ამ მაჩვენებლის კლება კოროვირუსის პანდემიის დროს.