მიაქციეთ ყურადღება: სლოკინი შეიძლება მძიმე დაავადებების სიმპტომი იყოს

თბილისი, 14 აგვისტო — Sputnik. ხშირი და ხანგრძლივი სლოკინი შესაძლოა ჯანმრთელობის სერიოზული პრობლემების სიგნალი იყოს, ამიტომ აუცილებლად უნდა მიაქციოთ ყურადღება, აცხადებენ ექიმები.

მათი თქმით, სლოკინი ცდომილი ნერვის გაღიზიანების დროს იწყება, რომელიც თითქმის მთელ სხეულზე, მათ შორის, დიაფრაგმაზეც გადის.

როგორც ექიმები ამბობენ, თუ სლოკინი ხშირად და ხანგრძლივად ემართება ადამიანს, მან აუცილებლად უნდა მიმართოს კომპეტენტურ სპეციალისტს, ვინაიდან ეს შესაძლოა მიანიშნებდეს ისეთ დაავადებებზე, როგორებიცაა:

გარდა ამისა, ხანგრძლივი და ხშირი სლოკინის მიზეზი ასევე შეიძლება იყოს აუტოიმუნური დაავადებები:

იმ შემთხვევაში, თუ ექიმი ჯანმრთელობის პრობლემას გამორიცხავს, მაშინ გაუჩერებელ სლოკინს კრუნჩხვის საწინააღმდეგო პრეპარატით მოხსნის.

ამასთან არსებობს არაერთი ხალხური მეთოდი, რომლებიც დაგეხმარებათ, სწრაფად და მარტივად შეიჩეროთ სლოკინის შეტევა. ქვემოთ რამდენიმე გამოცდილ ხერხს გაგაცნობთ.

რამდენჯერმე ღრმად ჩაისუნთქეთ და მერე მცირე ხნით შეიკავეთ სუნთქვა. პარალელურად შეეცადეთ, ყურადღება სხვა რამეზე გადაიტანოთ. როგორც პრაქტიკა აჩვენებს, ამ მეთოდით საკმაოდ სწრაფად შეიჩერებთ საყლაპავისა და დიაფრაგმის სპაზმებს, შესაბამისად - სლოკინს.

დააჭირეთ ენის ძირს თითები ისე, თითქოს პირღებინების გამოწვევას ცდილობთ. ამით სწრაფად მოიხსნით სლოკინის გამომწვევ სპაზმებს საყლაპავსა და დიაფრაგმაში.

გადაიხარეთ წინ და შეეცადეთ, ნელ-ნელა, პატარა ყლუპებით დალიოთ წყალი დიდი ჭიქით.

თუ სლოკინი შინ დაგეწყოთ და არა ვთქვათ, ტრანსპორტში, ქუჩაში ან სამსახურში, კარგი იქნება, თუ პრესის ვარჯიშებს გააკეთებთ. ამბობენ, რომ ეს საკმაოდ ეფექტური ხერხია სლოკინთან საბრძოლველად. ოღონდ ვარჯიში უნდა განაგრძოთ მანამ, სანამ შეტევა არ გადაგივლით.

დაიყარეთ ენის წვერზე ცოტაოდენი შაქრის ფხვნილი და მაშინვე გადაყლაპეთ, რათა არ გადნეს.

გადაწიეთ თავი შეძლებისდაგვარად უკან და გადაყლაპეთ ნერწყვი. ეცადეთ, ეს მაქსიმალურად უკან გადაწეული თავით გააკეთოთ. პირადი გამოცდილებიდან გიდასტურებთ, რომ ეს ყველაზე უებარი და უსწრაფესი მეთოდია.