ზოდიაქოს ნიშნები, რომლებიც დიდებისა და პოპულარობისთვის დაიბადნენ

ზოდიაქოს ამ ნიშნის წარმომადგენლები ხშირად არიან ცნობილი, საჯარო ადამიანები, აქვთ უამრავი ნიჭი, არიან ქარიზმატული.

ცნობილი და პოპულარული ადამიანების სიაში პირველი პრეტენდენტი ლომის ნიშანია. ლომებს შორის ყველაზე მეტია ნიჭიერი და სახელგანთქმული პიროვნება, რადგან მათი მფარველი მზეა. ლომებს შესანიშნავად შეუძლიათ საკუთარი თავის წარდგენა; ისინი საინტერესო და მომხიბლავი პიროვნებები არიან. მთავარი ლომისთვის აუდიტორიის პოვნაა, ხოლო რომელ ნიჭს განავითარებს – ეს უკვე მისი გემოვნების საქმეა.

ვერძი დიდებისთვის შექმნილი კიდევ ერთი ნიშანია. მას მზესთან ერთად მარსიც მფარველობს. ამიტომ ამ ნიშნის წარმომადგენლებს, თუ სურვილი ექნებათ, დიდების მოხვეჭა თავისუფლად შეუძლიათ; ხოლო გახდნენ თუ არა ცნობილი და პოპულარული – ამას თვითონ წყვეტენ.

მორიელს, რომელიც პლუტონის გავლენას განიცდის, ხალხის შეკავშირება შეუძლია. მას, სურვილის შემთხვევაში, შეუძლია, ძალზე პოპულარული გახდეს. ის მარტივ რამეს არ შექმნის, თავისი ნამუშევრით სულის სიმებს შეარხევს, გაიძულებთ, ერთდროულად ჯოჯოხეთშიც ამოყოთ თავი და სამოთხეშიც. მორიელის ნიშნის წარმომადგენლები ძალზე ნიჭიერი არიან.

თევზებს თქვენი სულის ყველაზე მგრძნობიარე სიმებზე ჩავლება შეუძლიათ. მათ ყოველთვის აქვთ სხვებისთვის რაიმე სათქმელი, რადგან მათი მფარველები პლუტონი და ვენერაა. არიან რომანტიკული, პოეტური და ძალიან სულიერი ადამიანები. თევზებს შორის მრავლადთევზებიაა ცნობილი, ნიჭიერი ადამიანები. არიან შემოქმედებითი პიროვნებები, მაგრამ დიდებისა და სიმდიდრისკენ არასდროს ისწრაფვიან. უბრალოდ, სულის სიღრმეებიდან ქმნიან.

მშვილდოსნები მაყურებლისა და მსმენელის საყვარელი ხალხია. მათკენ ისწრაფვიან, აქვთ სასიამოვნო ენერგეტიკა, რომელსაც მფარველი იუპიტერი ჩუქნის. ისინი ცნობილი ხდებიან თავიანთი ნიჭით, უნარით – მოიზიდონ ადამიანები და უჩვეულოდ დიდი, ყველასთვის სასიამოვნო ენერგეტიკით.