თბილისი, 29 ივლისი— Sputnik. კურორტ შეკვეთილში 29 ივლისს ქართული ჩაის ფესტივალი გაიმართება, ნათქვამია ტურიზმის ეროვნული ადმინისტრაციის განცხადებაში.
ფესტივალი ჩაის მოყვარულთ მუსიკოსთა პარკში 14:00 საათიდან იწვევს. პროგრამაშია - ქართული ჩაის პროდუქციის გამოფენა-გაყიდვა, სამეწარმეო ბაზარი, ჩაის დამზადების პერფორმანსი.
ჩაის სახლ-მუზეუმი
© photo: Sputnik
ფესტივალის ფარგლებში დაგეგმილია ასევე ფოტოგამოფენა, ვორქშოფი, გასართობი აქტივობები ბავშვებისთვის, გურული ცეკვის პერფორმანსი. ფესტივალის სცენაზე ასევე DJ დაუკრავს.