თბილისი, 27 ივლისი — Sputnik. აფრიკის ქვეყნების ლიდერები მადლობელი არიან რუსეთის პრეზიდენტისა, რომელიც საერთაშორისო ორგანიზაციებში კონტინენტის ინტერესებს უჭერს მხარს, განაცხადა აფრიკის კავშირის თავმჯდომარემ აზალი ასუმანიმ.
მანამდე ვლადიმირ პუტინმა იმედი გამოთქვა, რომ აფრიკის კავშირის G20-ში ჩართვის შესახებ გადაწყვეტილება ინდოეთის მომავალ სამიტზე იქნება მიღებული.
„ჩვენ მადლობელი ვართ პრეზიდენტ პუტინისა, რადგან ის მხარს გვიჭერს G20-ში და ასევე გვიჭერს მხარს, რათა გვქონდეს მუდმივი ადგილი გაეროს უშიშროების საბჭოს დონეზე“, — აღნიშნა ასუმანიმ.
მისი თქმით, აფრიკამ მრავალპოლარული სამყაროს ეპოქაში „თავისი სიტყვა უნდა მიიღოს“ საერთაშორისო ორგანიზაციებში.
სამთავრობათშორისი ორგანიზაცია აფრიკის კავშირი კონტინენტის 55 სახელმწიფოს აერთიანებს. ახლა მისი თავმჯდომარე კომორის კუნძულების კავშირის პრეზიდენტი აზალი ასუმანია.
რუსეთი-აფრიკის მეორე სამიტი და ეკონომიკური ფორუმი 27-28 ივლისს იმართება სანქტ-პეტერბურგში.