თბილისი, 23 ივლისი – Sputnik. საქართველოს პრემიერ-მინისტრი ირაკლი ღარიბაშვილი ოფიციალური ვიზიტით ხორვატიის რესპუბლიკაში გაემგზავრა, იუწყება მთავრობის ადმინისტრაციის პრესსამსახური.
ვიზიტის ფარგლებში პრემიერ-მინისტრი მაღალი დონის ორმხრივ შეხვედრებს გამართავს. ასევე, ირაკლი ღარიბაშვილი ხორვატიის რესპუბლიკაში საქართველოს საელჩოს გახსნის ღონისძიებას დაესწრება.
საქართველომ და ხორვატიამ დიპლომატიური ურთიერთობები 1993 წლის 1 თებერვალს დაამყარეს. ხორვატია საქართველოში წარმოდგენილია ათენში (საბერძნეთი) საელჩოს მეშვეობით. საქართველო წარმოდგენილია ხორვატიაში საელჩოს მეშვეობით ბუდაპეშტში (უნგრეთი).