პრემიერი: საქართველო დიდი გეოპოლიტიკური გამოწვევების პერიოდს გადის

„საქართველო ამჟამად გადის დიდი გეოპოლიტიკური გამოწვევების პერიოდს, ამიტომ ჩვენი ვალია, გავიაროთ ეს ეტაპი სიბრძნით და მოთმინებით, ვიყოთ ფხიზლად, ვიმოქმედოთ გონიერებითა და წინდახედულებით, ვიზრუნოთ მშვიდობის შენარჩუნებაზე და მივცეთ ქვეყანას განვითარების შესაძლებლობა, რათა დაკმაყოფილდეს ჩვენი მოსახლეობის მოლოდინები“, – განაცხადა ღარიბაშვილმა.

„საქართველომ დამოუკიდებლობის აღდგენის პირველივე წლიდან მიზნად დაისახა ევროინტეგრაცია ევროპულ ინსტიტუტებში, ამ გზას ჩვენ დიდი სიმტკიცით, ენთუზიაზმითა და დიდი სურვილით მივუყვებით. ამ ეტაპზე ევროკომისიის გადაწყვეტილებას ველოდებით, რათა მოგვენიჭოს კანდიდატის სტატუსი. ჩვენი მხრივ, მზად ვართ განვახორციელოთ ყველა ის რეკომენდაცია, რაც გადმოგვეცა და ვიმედოვნებთ, რომ ჩვენი ძალისხმევა დაფასდება და საქართველო მალე შეუერთდება ევროპულ ოჯახს“, – განაცხადა პრემიერმა.