საქართველოში სოციალურად დაუცველი ბავშვების ფულადი დახმარება გაიზარდა

თბილისი, 1 ივლისი — Sputnik. 1 ივლისიდან სოციალურად დაუცველი ბავშვების ყოველთვიური დახმარება 150-დან 200 ლარამდე გაიზარდა.

200-ლარიან დახმარებას 16 წლამდე ასაკის სოციალურად დაუცველი ბავშვები მიიღებენ. აღნიშნული ცვლილება საქართველოში დაახლოებით 233 ათას ბავშვს შეეხება. საუბარია ოჯახებზე, რომელთა სარეიტინგო ქულაც 120 ათასს არ აღემატება.

პროგრამის ბიუჯეტი დახმარების გასაზრდელად 70 მლნ ლარით გაიზარდა და დაახლოებით 50 მლნ ლარს შეადგენს.

საქართველოში 1 აპრილისთვის 652,1 ათასი სოციალურად დაუცველი პირია რეგისტრირებული, რაც ქვეყნის მოსახლეობის 17,5%-ს შეადგენს.