საქონელბრუნვის რეკორდული ზრდა: ექსპერტი საქართველოსა და რუსეთის ეკონომიკურ თანამშრომლობაზე

„მიმდინარე წლის პირველ კვარტალში ზრდამ 70%-ზე მეტი შეადგინა გასული წლის ანალოგიურ პერიოდთან შედარებით. ჩვენ არა მხოლოდ კარგი საქონელბრუნვა გვაქვს, არამედ ეს ასევე სწრაფად იზრდება. თუ ყოფილი საბჭოთა კავშირის სხვა ქვეყნებს გადავხედავთ, საქართველოსთან, ალბათ, ზრდის ყველაზე რეკორდული ტემპები გვაქვს", – განაცხადა ხოლოდმა.

„ბოლო დროს საქართველო პარალელური იმპორტის მხრივ (რეექსპორტი) ავტომობილების მძლავრი მომწოდებელი გახდა. ანუ იმ კომპანიების ავტომობილების შეძენა, რომლებმაც რუსეთში გაყიდვები შეწყვიტეს, შესაძლებელია მესამე ქვეყნებში, ამ შემთხვევაში – საქართველოში", – განმარტა ხოლოდმა.

„საქართველოს მშპ-ის ზრდის რეკორდული ტემპები აქვს, მათ შორის, რუსეთთან საქონელბრუნვის ზრდის გამო, რუსეთიდან ტურისტების რაოდენობის ზრდის მიზეზით, და თქვენი ქვეყანა სხვადასხვა საერთაშორისო რეიტინგში წამყვან პოზიციებზე გავიდა. და რა არის ამაში ცუდი?" – აღნიშნა ექსპერტმა.

„დივერსიფიცირება სხვადასხვა ბაზარზე საჭიროა, მაგრამ ეს დრო და ფულია. სწრაფად არ გამოვა. ჯერ ერთი, ამისთვის ბევრი რამ უნდა გაკეთდეს, ხარჯებია საჭირო, მაგრამ არ ღირს იმ არხებზე უარის თქმა, რომლებიც რეალურად უკვე არსებობს", – განაცხადა ხოლოდმა.