ურეკი დამსვენებლების მისაღებად მზად არის

თბილისი, 10 ივნისი – Sputnik. კურორტი ურეკი და მისი პლაჟები მაგნიტური ქვიშით დამსვენებლების მისაღებად მზად არის, ნათქვამია ოზურგეთის მუნიციპალიტეტის მერიის განცხადებაში.

ურეკის მაგნიტური ქვიშა ცნობილია თავისი სამკურნალო თვისებებით და იზიდავს როგორც ქვიშის სანაპიროს მოყვარულებს, ისე ჯანმრთელობის პრობლემების მქონე ადამიანებს.

ახალი სეზონისთვის ადგილობრივმა ხელისუფლებამ კომფორტული დასვენებისთვის სრულად განაახლა პლაჟის ინფრასტრუქტურა.

გარდა ამისა, კეთილმოწყობის აქტიური სამუშაოები მიმდინარეობს შეკვეთილში.

მერიის ინფორმაციით, წელს ადგილობრივი ხელისუფლება დამსვენებლების უფრო დიდ რაოდენობას ელის.

ოფიციალურად საზღვაო სეზონი 4 ივნისს გაიხსნა, მაგრამ შავი ზღვის სანაპიროზე დამსვენებლების პიკი ივლის-აგვისტოშია.