თბილისი, 3 ივნისი — Sputnik. საქართველოს ეროვნულმა არქივმა 1910-1920-იან წლებში ქართულ პრესაში დაბეჭდილი ცნობილი ადამიანების პოლიტიკური და კულტურის მოღვაწეების შარჟების ონლაინ-კოლექცია გამოაქვეყნა.
ქართველი ინტელიგენტების შარჟი. მხატვარი: შალვა ქიქოძე. ჟურნალი „ეშმაკის მათრახი“, 1915 წლის 27 სექტემბერი.
© Courtesy of National Archives of Georgia
პერიოდულ გამოცემებს, რომლებიც XX საუკუნის დასაწყისში საქართველოში იბეჭდებოდა, ცნობილი მხატვრები აფორმებდნენ.
გერონტი ქიქოძე მოსე თოიძის გამოფენაზე მხატვარი: მიხეილ ჭიაურელი. ჟურნალი „ეშმაკის მათრახი“, 1916 წლის 5 ივლისი.
© Courtesy of National Archives of Georgia
მათ შორის იყვნენ შალვა ქიქოძე, მიხეილ ჭიაურელი, ლადო გუდიაშვილი, ელენე ახვლედიანი, ოსკარ შმერლინგი და სხვები. ილუსტრირებულ გაზეთებში ცნობილი ადამიანების ასეულობით შარჟია დაბეჭდილი.
ქართველი არტისტების შარჟი. მხატვარი: შალვა ქიქოძე. ჟურნალი „ეშმაკის მათრახი“, 1915 წლის 1 ნოემბერი.
© Courtesy of National Archives of Georgia
ეროვნული არქივის მიერ შექმნილ ონლაინ-კოლექციაში შესულია პოლიტიკოსების, მსახიობების, მწერლების, კომპოზიტორების შარჟები, რომელიც დაბეჭდილია პერიოდულ გამოცემებში: „ცნობის ფურცლის სურათებიანი დამატება“ „თეატრი და ცხოვრება“, „ეშმაკის მათრახი“.
კრებული, რომელიც პირველ ეტაპზე 100-ზე მეტ შარჟს მოიცავს, ხელმისაწვდომია აქ.