თბილისი, 27 მაისი — Sputnik. კასპის მუნიციპალიტეტის ოთხი სოფელი დაისეტყვა, იუწყება ტელეკომპანია „რუსთავი 2“.
ტელეკომპანიის ცნობით, განსაკუთრებით დაზარალდა სოფლები ზემო ხანდაკი, მეტეხი და ჩოჩეთი.
მოვარდნილმა ნიაღვარმა საკარმიდამო ნაკვეთები და საცხოვრებელი სახლის სარდაფი დატბორა. სტიქიის შედეგად დახოცილია შინაური ფრინველიც.
ინფორმაცია სტიქიის შედეგად მუნიციპალიტეტისთვის მიყენებული ზარალის ოდენობის შესახებ ჯერჯერობით არ ვრცელდება.