თბილისი, 26 მაისი – Sputnik. არის საერთო თვალსაზრისი, ასევე სახელმწიფოს მეთაურების ურთიერთგაგება, როგორ გადაწყდეს ეს საკითხები, ამიტომ სამუშაო დონეზე აღარ უნდა შეიქმნას ხელოვნური დაბრკოლებები, განუცხადა ჟურნალისტებს რუსეთის ლიდერის პრეს–მდივანმა დმიტრი პესკოვმა.
„გუშინ პუტინმა, ალიევმა და ფაშინიანმა შეთანხმებებს მიაღწიეს და გასცეს დავალება, რომ პროფილური ვიცე–პრემიერები ერთ კვირაში შეიკრიბებიან. ისინი დახვეწენ იმ საკითხებს, რომლებზეც პრინციპული გაგებაა, როგორ გადაწყდეს, მაგრამ დეტალები კიდევ შესათანხმებელია“, – განაცხადა პესკოვმა.
მისი თქმით, ყველაფრის ბოლომდე მიყვანის საკითხი არ დგას, რადგან მთავარი საბოლოო შედეგია. სწორედ ამიტომ ახლა ალბათ ვერავინ შეძლებს მშვიდობიან შეთანხმებაზე ხელმოწერის ზუსტი თარიღის პროგნოზირებას, აღნიშნა პესკოვმა.
„თუმცა ახლა ბევრად შეიცვალა გარემოება და ფაქტობრივად, კონცეპტუალურად... ეს გარემოებები იძლევა საშუალებას, რომ არც ისე შორეულ პერსპექტივაში მშვიდობიან შეთანხმებას მოეწეროს ხელი“, – განაცხადა პესკოვმა.
უფრო ადრე პუტინმა განაცხადა, რომ რუსეთის, სომხეთისა და აზერბაიჯანის ვიცე–პრემიერები ერთი კვირის შემდეგ შეხვდებიან და ყარაბაღთან დაკავშირებით ტექნიკურ საკიტხებს განიხილავენ.