თბილისი, 25 მაისი — Sputnik. ვოლოდიმირ ზელენსკის მიერ გამოცხადებული სამშვიდობო გეგმა არ არის უკრაინის კონფლიქტის მოგვარების გეგმა, მიიჩნევს ამჟამად რუსეთში მცხოვრები უკრაინის რადის ყოფილი დეპუტატი ვიქტორ მედვედჩუკი, რომლის კომენტარსაც „რია ნოვოსტი“ აქვეყნებს.
„ზელენსკის ფართოდ გაცხადებული სამშვიდობო გეგმა, რომლითაც ის მთელ მსოფლიოში მოგზაურობს სარეკლამო მიზნებისთვის, არანაირი გეგმა არ არის, ეს მხოლოდ ზელენსკისა და მისი გარემოცვის უზომოდ ამბიციური სურვილების სიაა“, — დაწერა მედვედჩუკმა Telegram-არხ „დრუგაია უკრაინას“ კომენტარში.
მისი თქმით, გეგმით შემოთავაზებული ფორმულირება ემყარება სამ დებულებას, რომლებიც უკრაინის ტერიტორიიდან რუსული ჯარების გაყვანას, რუსეთის დასჯას და ამის საფუძველზე ახალი მსოფლიო წესრიგისა და უსაფრთხოების სისტემის აგებას შეეხება.
„როგორც ხედავთ, ამ გეგმის მთავარი პუნქტებია რუსეთის დასჯა, დასუსტება და სამხედრო დამარცხება. მაგრამ თუ საუბარია რომელიმე მხარის დამარცხებაზე, მაშინ ამას სამშვიდობო გეგმა არ შეიძლება ეწოდოს", — მიიჩნევს ის.
ამ გეგმის უკან, მედვედჩუკის აზრით, „ზელენსკი არ დგას, რითაც, ფაქტობრივად, აიხსნება კიდეც ესოდენ ფართო მხარდაჭერა“.
ამასთან მედვედჩუკი ყურადღებას ამახვილებს იმ ფაქტზე, რომ გეგმაში ზელენსკი არ ახსენებს კონფლიქტის მიზეზებს, რომლებიც გავლენას ახდენს „უკრაინაში ნატოს მოსვლაზე, რაც საფრთხეს უქმნიდა რუსეთის ფედერაციის ინტერესებს“, „ნეონაციზმსა“ და „მემარჯვენე უკანონობას“, რაც, მედვედჩუკის თქმით, სახელმწიფო პოლიტიკად იქცა, და ასევე „რუსულენოვანი მოსახლეობის შეურაცხყოფას, განსხვავებული აზრის განადგურებას, პოლიტიკური ოპოზიციისა და რუსეთისადმი კეთილმეზობლური და მეგობრული განწყობის მქონე მოქალაქეების წმენდას“.