თუ მარტოსული ხართ: იპოვეთ სიყვარული ლუიზა ჰეის მეთოდით

თბილისი, 25 მაისი — Sputnik. ცხოვრების პარტნიორის, გვერდით საყვარელი ადამიანის ყოლის სურვილი ისეთი ბუნებრივი მოვლენაა, რომ ბევრი მისი წარმოშობის ბუნებას არც კი უფიქრდება, აცხადებენ ფსიქოლოგები.

მათი თქმით, სიყვარული და შეყვარება ბევრისთვის ცხოვრების მთავარი მიზანი ხდება, თუმცა, სამწუხაროდ, ყველა ვერ ახერხებს იდეალური პარტნიორის მოძებნა–არჩევას, რაც იმედგაცრუებას, დიდ სინანულსა და ხშირად ტანჯვასაც იწვევს.

იმისათვის, რომ ადამიანებს სასურველი, მათთვის იდეალური პარტნიორის მოძიებაში, მტკიცე და თბილი ურთიერთობების ჩამოყალიბებაში დახმარებოდა, ცნობილმა ამერიკელმა ფსიქოლოგმა ლუიზა ჰეიმ სპეციალური მეთოდიკა შეიმუშავა, რომელიც ადამიანის აზროვნებასა და, შესაბამისად, ცხოვრებასაც ცვლის.

აღსანიშნავია, რომ ლუიზა ჰეი 30-ზე მეტი წიგნის ავტორია, რომელთაგან წიგნი „შენ შეგიძლია განკურნო საკუთარი ცხოვრება“ (You Can Heal Your Life), აშშ-ში 110-ჯერ დაიბეჭდა, 30-ზე მეტ ენაზე ითარგმნა და მსოფლიოს 33 ქვეყანაში საერთო ჯამში 50 მილიონიანი ტირაჟით გამოიცა.

ლუიზა ჰეის რამდენიმე ფრაზა (ფსიქოლოგიაში — აფირმაციები), რომლებიც სასურველი მეორე ნახევრის მოძებნაში დაგეხმარებათ, ასე გამოიყურება:

გახსოვდეთ: ვერასდროს შეხვდებით ნამდვილ მეორე ნახევარს და მასთან ნორმალურ ურთიერთობას ვერ დაამყარებთ, თუ მარტოობაზე ჩაიციკლებით და გამუდმებით იფიქრებთ და ილაპარაკებთ ამაზე.

რეგულარულად, ყოველდღე გაიმეორეთ ეს აფირმაციები და ნახავთ, როგორ შეიცვლება თქვენი აზროვნება, შედეგად კი — თქვენი ცხოვრებაც.