საქართველო საბერძნეთში წიგნის საერთაშორისო ბაზრობაზე წარდგება

თბილისი, 30 აპრილი – Sputnik. საქართველო 4-დან 7 მაისამდე სალონიკში (საბერძნეთი) წიგნის საერთაშორისო გამოფენაში მეორედ მიიღებს მონაწილეობას - გამოფენაზე ქართული ლიტერატურის ბერძნული თარგმანები იქნება წარმოდგენილი, იუწყება მწერალთა სახლი.

ქართულ სტენდზე წარმოდგენილი იქნება ქართული გამომცემლობების ახალი წიგნები - „სულაკაური“, „ინტელექტი“, „არტანუჯი“, „პალიტრა L“ და სხვა, ასევე მწერალთა სახლის მხარდაჭერით გამოცემული უცხო ენებზე თარგმანები და ქართველ ავტორთა კატალოგები.

ბაზრობის სტუმრები ნახავენ შემდეგი ავტორების ბერძნულ თარგმანებს:

5 მაისს, თესალონიკის წიგნის ბაზრობაზე, გურამ დოჩანაშვილის მოთხრობის, „კაცი, რომელსაც ლიტერატურა ძლიერ უყვარდა“ ბერძნულენოვან თარგმანს წარადგენენ.

6 მაისს, თესალონიკის წიგნის საერთაშორისო ბაზრობაზე, წიგნის „მეტყველი მარმარილოები - ეპიზოდები ქართულ-ბერძნული ურთიერთობის ისტორიიდან ΧΙΧ-ΧΧ საუკუნეები“ (ავტორები მედეა აბულაშვილი და ეკა ჭყოიძე) პრეზენტაცია შედგება. (გამომცემლობა Vakxikon Publications);

ნანა ექვთიმიშვილი - „მსხლების მინდორი“ (World Books).

დიანა ანფიმიადი - თანამედროვე ქართული პოეზიის ანთოლოგია (Vakxikon Publications).

საქართველო 2021 წლიდან იღებს მონაწილეობას ათენის და თესალონიკის წიგნის ბაზრობებზე, რაც განაპირობებს ბერძენი გამომცემლების ინტერესის გაზრდას ქართული ლიტერატურის მიმართ.