თბილისი, 25 აპრილი – Sputnik. მაშველები შუახნის მამაკაცს ეძებენ, რომელიც თელავის რაიონის სოფელ ლეჩურთან, მდინარე სტორში დინებამ მანქანასთან ერთად წაიღო, იუწყება ტელეკომპანია „რუსთავი 2“.
მედიასაშუალებების ინფორმაციით, მამაკაცი შვილთან ერთად მანქანით მდინარის გადალახვას ცდილობდა. ამ დროს მდინარეში წყლის დონემ მკვეთრად მოიმატა და მანქანა დინებამ წაიღო.
შვილმა მანქანიდან გადმოსვლა და ნაპირზე გამოსვლა მოახერხა. ამჟამად დაკარგულის ძებნა გრძელდება.