თბილისი, 15 მარტი — Sputnik. ბრიტანეთის მეფე ჩარლზ მესამემ როკ-ჯგუფ Queen-ის გიტარისტ ბრაიან მეის რაინდის ტიტული მიანიჭა, იუწყება Daily Mail.
ამიერიდან 75 წლის მუსიკოსის ოფიციალური წოდება იქნება სერ ბრაიან მეი.
გავრცელებული ინფორმაციით, მეიმ რაინდის ტიტული მუსიკის სფეროში შეტანილი დიდი წვლილისა და საქველმოქმედო საქმიანობისთვის მიიღო.
ბრიტანეთის იმპერიის ორდენი 1917 წელს დააარსა მეფე გეორგ მეხუთემ. მისი დევიზია For God and the Empire („ღმერთისა და იმპერიისათვის“).
სულ ამ ჯილდოს ხუთი საფეხური არსებობს:
კავალერი,
ოფიცერი,
კომანდორი,
რაინდი-კომანდორი ან ქალბატონი-კომანდორი,
დიდი ჯვრის რაინდი (Knight Grand Cross) ან დიდი ჯვრის ქალბატონი (Dame Grand Cross).
აქედან ბოლო ორი კატეგორია ავტომატურად ანიჭებს მფლობელს რაინდის ტიტულსა და საპატიო წოდებას „სერ“ (ქალების შემთხვევაში — Dame).