მოსავლის აღების შემდეგ ყანაში დარჩენილი მცენარეებისთვის ცეცხლის წაკიდება დასჯადი ხდება

კანონპროექტი მომზადდა გავრცელებული მავნე პრაქტიკის - მოსავლის აღების შემდეგ სასოფლო-სამეურნეო სავარგულებისთვის ცეცხლის წაკიდების გამო
Sputnik
თბილისი, 13 მარტი – Sputnik. მიწის ნაკვეთზე არსებული მარცვლოვანი მცენარეებისთვის (მათ შორის, მათი ნაწვერალისთვის) ცეცხლის წაკიდებისთვის წესდება ახალი ადმინისტრაციული ჯარიმა - ფიზიკური პირებისთვის თითოეულ ჰექტარზე 1000 ლარის, იურიდიული პირებისთვის კი, - 2 ათასი ლარის ოდენობით, ნათქვამია მთავრობის ადმინისტრაციის პრესსამსახურის განცხადებაში.
შესაბამისი კანონპროექტი, რომლის თანახმადაც დაწესდება მკაცრი ჯარიმა სასოფლო-სამეურნეო სავარგულების გადაწვის გამო, მინისტრთა კაბინეტის წევრებმა მთავრობის სხდომაზე განიხილეს.
კანონპროექტი მომზადდა გავრცელებული მავნე პრაქტიკის - მოსავლის აღების შემდეგ სასოფლო-სამეურნეო სავარგულებისთვის ცეცხლის წაკიდების გამო, რაც დიდ ზიანს აყენებს ნიადაგსა და გარემოს. ამასთან, დიდია მიმდებარე ნაკვეთებზე, მინდვრებზე, ტყეებსა ან დასახლებულ პუნქტებზე ხანძრის გავრცელების ალბათობა.
ფერმერები მარცვლოვანი კულტურების მოსავლის აღების შემდეგ, როგორც წესი, ცეცხლს უკიდებენ დარჩენილ ნამჯას, რათა ყანები დასათესად მოამზადონ, ამ დროს კი ყანების გადაწვის შედეგად ზიანდება ნიადაგის ზედა, ნაყოფიერი ფენა.