თბილისი, 24 თებერვალი – Sputnik. უყურადღებო მძღოლებმა, რომელთა დარღვევები საგზაო კამერებმა დააფიქსირა, 2022 წელს ბიუჯეტში 147,9 მლნ ლარი შეიტანეს, ნათქვამია საქართველოს შსს–ს მიერ გავრცელებულ ინფორმაციაში.
სულ ვიდეოკამერებმა დააფიქსირა 3,1 მლნ დარღვევა წლის განმავლობაში, აქედან 1,7 მლნ – თბილისში.
თბილისში დაფიქსირებული დარღვევები ჯარიმის სახით 78,9 მლნ ლარს შეადგენს.
თბილისის გარდა, ყველაზე მეტი დარღვევა დაფიქსირდა ქვემო ქართლში – 331,2 ათასი და აჭარაში – 266,3 ათასი.
საგზაო მოძრაობის დარღვევისთვი ჯარიმის ოდენობა 10 ლარიდან იწყება. ამასთან, ჯარიმის ერთი თვის განმავლობაში გადახდის დროს მოქმედებს 20%–იანი ფასდაკლება. ასეთი ფასდაკლებით ისარგებლა 1,2 მილიონმა მძღოლმა, რომლებმაც ამ ფასდაკლებით ბიუჯეტში ჯარიმის თანხა 45,5 მლნ ლარი შეიტანეს.
საქართველოში 1 იანვრისთვის მუშაობს 6,230 კამერა, საიდანაც 4.281 საერთო ხედისაა, ხოლო 1.949 – ნომრის ამომცნობი.
ჯარიმების ადმინისტრირების გამარტივებისთვის 2023 წლის 1 იანვრიდან შეტყობინების ახალი სისტემა მოქმედებს. ახლა შეტყობინების ნახვა საქართველოს შსს–ს ვებ–გვერდზეა შესაძლებელი. უცხო ქვეყნის სანომრე ნიშნის მქონე ავტომობილის მძღოლების მხრიდან ჯარიმის გადაუხდელობა შეიძლება მათთვი ქვეყანაში ხელმეორედ შემოსვლაზე უარის მიზეზი გახდეს.