აჭარაში სამედიცინო დაწესებულებებისთვის ახალი შენობები აშენდება

ხელისუფლება პირობას დებს, რომ გაუმჯობესდება პირობები როგორც მედპერსონალის, ისე პაციენტებისთვის.
Sputnik
თბილისი, 22 თებერვალი — Sputnik. სამი მნიშვნელოვანი სამედიცინო დაწესებულებისთვის აჭარაში ახალი შენობები აშენდება, იუწყება აჭარის მთავრობის პრეს-სამსახური.
აჭარის მთავრობა აპირებს რეგიონული ცენტრის, ბათუმის №1 პოლიკლინიკისა და საგანგებო სიტუაციებისა და გადაუდებელი დახმარების რეგიონული საკოორდინაციო ცენტრის აშენებასა და გარემონტებას.
„პირობები გაუუმჯობესდებათ როგორც იქ მომუშავე პერსონალს, ასევე პაციენტებსა და ბენეფიციარებს... პაციენტები შეძლებენ თანამედროვე ინფრასტრუქტურაში მიიღონ შესაბამისი სერვისები“, – განაცხადა აჭარის მთავრობის მეთაურმა თორნიკე რიჟვაძემ.
მნიშვნელოვანია, რომ სამედიცინო სერვისების გაუმჯობესება და განვითარება რეგიონში უწყვეტ რეჟიმში მოხდეს, აღნიშნა რიჟვაძემ.
აჭარის ბიუჯეტი 2023 წელს 482,3 მლნ ლარია, საიდანაც ჯანდაცვაზე 33,2 მლნ ლარია გამოყოფილი.
ეწვიეთ „Sputnik საქართველოს“ Telegram-არხს