თბილისი, 20 თებერვალი — Sputnik. ამ დროისათვის ორი სხვადასხვა სისტემით დარეგისტრირებულია მიწის 111 ათასი ნაკვეთი, ნათქვამია მთავრობის ადმინისტრაციის განცხადებაში.
2019 წელს საქართველოს იუსტიციის სამინისტრომ შეიმუშავა მიწის ნაკვეთების სისტემური და სპორადული რეგისტრაციის კონცეფცია. სისტემური დამოკიდებულებისას კონკრეტულ რაიონში არსებული ყველა მიწის ნაკვეთი საკადასტრო წიგნში ერთდროულად შედის, ხოლო სპორადული დამოკიდებულების შემთხვევაში რეგისტრაცია მოთხოვნის მიხედვით ტარდება.
მთავრობის მონაცემებით, სისტემური რეგისტრაციის ფარგლებში დარეგისტრირებულია 39,4 ათასი ჰექტარი 95,4 ათასი მიწის ნაკვეთი, ხოლო სპორადული სისტემით – 4,9 ათასი ჰექტარი 15,8 ათასი ნაკვეთი.
მიწის ნაკვეთების სისტემური რეგისტრაცია 2024 წლის ბოლოსთვის დასრულდება და ამის შემდეგ დარეგისტრირდება მხოლოდ შესწორებები რეგისტრაციაში.
იუსტიციის მინისტრმა რატი ბრეგაძემ 2022 წლის ბოლოს განაცხადა, რომ ამ ეტაპზე უცნობია 1 მილიონ ჰექტარზე მეტი მიწის მფლობელების ვინაობა.
რეფორმის ფარგლებში მიწის რეგისტრაციის პროცედურები 2016 წლის 1 აგვისტოდან გამარტივდა. მისი მიზანია მფლობელთა უფლებების დაცვა. მიწის ნაკვეთების რეგისტრაცია შესაძლებელია იუსტიციის სახლებში, საჯარო რეესტრის ფილიალებსა და საზოგადოებრივ ცენტრებში.
ფერმერებისთვის სახელმწიფოსგან შეღავათების მიღების მთავარ პირობას სასოფლო-სამეურნეო დანიშნულების მიწის რეგისტრაცია წარმოადგენს.