თბილისი, 12 თებერვალი - Sputnik. საქართველოში 12:07 საათზე 4,4 მაგნიტუდის მიწისძვრა მოხდა, იუწყება დედამიწის შემსწავლელ მეცნიერებათა ინსტიტუტი და სეისმური მონიტორინგის ეროვნული ცენტრი.
მიწისძვრა დაბა ჩოხატაურიდაან სამხრეთით 18 კილომეტრში, კურორტ ბახმაროდან 2 კილომეტრში მოხდა.
კერა 6 კმ სიღრმეზე მდებარეობდა.
იმავე ლოკაციაზე რამდენიმე წუთში, 12:21 საათზე კიდევ ერთი ბიძგი დაფიქსირდა, რომლის მაგნიტუდაც 3,3 ბალს შეადგენდა. ბიძგის კერა 10 კმ სიღრმეზე მდებარეობდა.
ნგრევის შესახებ ინფორმაცია არ ვრცელდება.
კურორტ ბახმაროს მიდამოებში მიწისძვრა ასევე შაბათს, 11 თებერვალს მოხდა.